جدار الفصل العنصري

ليش اسمه هيك؟؟

يعني لو الفلسطينية اللي بنوه عشان يعزلو شوية يهود جوة 3 دونم مثلا , ساعتها بيصير نحكي عنه عنصري

طبعا الكلام السابق على اساس انه الفلسطينية بموضع قوة

بحس انه تسميته هيك بيعطي الصهاينة شرعية 

وانهم همه شركاء بالارض المقدسة من زمان مع العرب والمسلمين

يعني فوق ما جيتو على ارضنا هيك

وعملتو كلللللللللللللل اللي عملتوه

وبنيتو السور فوق هاذ

يعني عيب علينا احنا كمان نتّبع هاي التسمية

وهاذ السور أحقر وأوطى من انه تكون اله تسمية اصلا

انداري

بلا عنوان

حارس الأحلام

يقف يقظا على حدود النوم في كانون

لا يأبه لزمهرير , بل إن الشتاء ليهاب منه

بنظرة اليه , يعرف الشتاء أنه ليس ندا لهذا الوجه اللذي صقلته الحياة

فيتراجع مدحورا

ويبقى حارس الأحلام , قيّما على الحلم الأزلي

بحياة بسيطة لا يشوبها شيء من تعقيدات الحداثة الصارخة

فيها أب وأم وطفل

حيث يسود العطف والحنان 

* * *

وفي ليلة حالكة

تحمل طفلة يتيمة غطائها من طرفه

وتأتي بخطوات غير منتظمة إلى حارس الأحلام

"قد أصابني سهاد عمّاه

إروِ لي قصة

عن فارس جميل 

يمتطي جوادا أبيض

يقارع الشر من أجل محبوبته

عمّاه

لا تأتِ على ذكر أي شيء مقيت

فقد رأيت أشياء مقيتة اقضّت مضجعي

إكتفيت

"

يبتسم ذلك العظيم , وينظر اليها بحنان

"

حسناً يا ابنتي

كان ياما كان

.

.

.

"

التفت اليها 

قد غلبها النوم , فقد كانت بحاجة الى ابتسامة لا أكثر

احتضنها الحارس بحنان أبوي

وعاد يحرس أحلامنا محدثا نفسه

" تبّا "

.

رنة الموبايل

مسا الخير

ما بعرف ليش

بس جد بخف عقلي لما اسمع حدا حاط رنة موبايله من القرآن الكريم

أو دعاء أو اي اشي ديني

وكمان بيكون حاطه عالعالي

انه اسمعوا رنتي يا عالم

انا بالنسبة الي بعتبره رياء وسوء استخدام

يعني شو استفدنا منك ومن دينك اذا رن الموبايل تبعك وانت بالحمّام - أجلكم الله

القرآن أسمى وأكبر من انه ينحط رنة عالموبايل

خاصة اذا كان بعد القرآن راح تسمع هالصوت

"ألو ... اه خظر , وينك امبارح يلعن *********** , مش على اساس ... الخ"

"ألو , اه حبيبتي , قمعتي البامية ؟؟ يالله , هيني عالطريق"

انا حاط نغمة المنبه سورة الملك ومستثقلها كمان

انداري

يمكن انا غلط , أعوج

بس جد ما بحب هاي الشغلة

ودمتم بحفظ الله

تعديل

كنت بدوّر عالنت

لقيت هاي الفتوى 

ما بعرف مدى صحتها , بس بالنسبة الي منطقية

Nivea Lift Expert

مع انها اجزاء من الثانية من وقت الدعاية

الا انها واضحة

الظاهر انه الكريم شد وجهها زيادة عن اللزوم

لينك للموقع